Feronikeli fiton ndaj Ballkanit me autogol
04.4.2019 - 16:07
Feronikeli ka fituar me rezultat 1-0 ndaj Ballkanit me autogolin e Dardan Jasharit në ndeshjen e vlefshme për xhiron e 25-të në Superligën e Kosovës.
Pjesa e parë përfundoi pa gola.
Momenti vendimtar i ndeshjes ishte në minutën e 90’ të ndeshjes kur Dardan Jashari i Ballkanit, në tentim për ta larguar rrezikun nga porta e Ballkanit, shënon në gol të tij.
Feronikeli pas kësaj fitoreje e ruan vendin e parë me 59 pikë.
Ndërsa Ballkani pozicionohet në vendin e tetë me 29 pikë.
Feronikeli në xhiron e ardhshme luan ndaj Lirisë në stadiumin “Përparim Thaqi” në Prizren.
Ndërsa Ballkani, luan në shtëpi të vet ndaj Flamurtarit.