![](https://kallxo.com/wp-content/uploads/2022/02/Volodymyr-Zelenskyy-Foto-President-official-websitee-720x404.png)
Volodymyr Zelenskyy Foto: President Official Websitee
Zelensky thotë se rusët janë gati të sulmojnë Kievin
Presidenti i Ukrainës, Volodymyr Zelensky, përmes një video ka paralajmëruar se rusët do të sulmojnë Kievin orët e ardhshme, raporton BBC.
“Kjo natë do të jetë e vështirë, shumë e vështirë por, mëngjei do të vie”, ka thënë Zelensky.
Ai ka deklaruar se armiku do të përdorë të gjitha mënyrat për të thyer rezistencën e tyre.
“Këtë natë, armiku do të përdorë të gjitha mënyrat e mundshme që të thyej rezistencën tonë. Këtë natë ata do të nisin sulmin”, ka deklaruar Zelensky.
“Këtë natë ne duhet të ngulmojmë. Fati i Ukrainës po vendoset pikërisht tani”, ka shtuar ai.
Sulmi i Moskës ndaj Ukrainës ka nisur në orët e para të 24 shkurtit. Raketat janë nisur në aeroporte dhe infrastrukturë ushtarake në rreth 25 qytete.
Presidenti rus, Vladimir Putin ka urdhëruar “operacion special” për të çmilitarizuar Ukrainën.
Veprimi i Kremlinit ka nxitur zemërim dhe është dënuar në gjithë botën.
Shtetet e Bashkuara dhe aleatët janë përgjigjur me sanksione të ashpra kundër Moskës.
Kosova po ashtu i’u bashkua ShBA-së dhe Evropës për sanksione ndaj Rusisë.