Ushtarët serbë po largohen nga ushtria për shkak të pagave dhe kushteve të këqija
Paga e ulët, përzgjedhja negative në promovim, kushtet e dobëta të punës dhe mungesa e trajnimit dhe zhvillimit po bëjnë që shumë punëtorë të largohen nga Ministria e Mbrojtjes dhe ushtria në Serbi, thotë një raport i ri nga Qendra e Beogradit për Politikë të Sigurisë.
OJQ-ja që merret me çështje të sigurisë, të enjten, në raportin e saj të fundit, zbuloi pse po largohen kaq shumë punonjës në sistemin e mbrojtjes së Serbisë.
Përveç analizimit të ligjeve dhe rregullave, studiuesit e saj biseduan me ish-anëtarët e Forcave të Armatosura serbe dhe punonjësit e sektorit të mbrojtjes.
Numrat e saktë të braktisjes janë vështirë për t’u vlerësuar. Raporti vuri në dukje mungesën e informacionit të saktë të vënë dispozicion të publikut, për numrin e njerëzve që kohët e fundit u larguan nga sistemi mbrojtës.
“Në përgjithësi, mesatarisht 166 oficerë dhe 66 oficerë jo të komisionuar janë larguar nga Ministria dhe Forcat e Armatosura, gjatë pesë viteve të fundit”, thuhet në raport.
Sipas të dhënave nga Ministria e Mbrojtjes, në nëntor 2019 paga mesatare për oficerët ishte rreth 779 euro, për oficerët pa komision ishin rreth 560 euro, për ushtarët profesionistë ishte rreth 417 euro.
Të dhënat për numrin e personave të punësuar nga Ministria e Mbrojtjes dhe Ushtria janë të klasifikuara, por informacionet jozyrtare thonë se ka rreth 32,000 punonjës në total.
Megjithëse autoritetet shpesh njoftojnë paga më të larta dhe kushte më të mira për personelin mbrojtës, përgjegësit e këtij raporti thanë se pagat e ulëta mbetën një problem i madh.
Një problem tjetër që theksohet nga të anketuarit është se orari i tepërt nuk është regjistruar dhe as kompensuar.
Megjithatë, thuhet në raport, paga nuk është çështja e vetme.
Një problem tjetër i përmendur është organizimi i dobët i punës, i cili çon në ngarkesa të tepërta të punës, jashtë orarit, punë në fundjavë dhe kryerjen e detyrave që bien jashtë punës.
Mungesa e trajnimit theksohet gjithashtu si problem.
“Për shembull, personeli i Forcave të Armatosura serbe nuk ka ndonjë trajnim për misionin e tretë të shërbimit – duke ofruar mbështetje për autoritetet civile në situata emergjente (duke mos përfshirë trajnimin e ndihmës së parë). Një i anketuar, i cili kishte për detyrë të ofronte ndihmë për shkak të përmbytjes në Obrenovac dhe Tekija (që ndodhi në vitin 2014), ndërsa shërbente në lumin Flotilla, pretendon se gjithçka ishte e improvizuar në atë moment”, thuhet në raport.
Ministria e Mbrojtjes dhe personeli i Forcave të Armatosura Serbe nuk inkurajohen të raportojnë shkelje të të drejtave të tyre të punës, po ashtu vuri në dukje raporti.
Ata preferojnë të largohen nga sistemi, në vend se të zgjidhin problemet me të cilat përballen përmes mekanizmave të disponueshëm të ankesave.
Arsyet për këtë qëndrojnë në mungesën e informacionit, mungesën e besimit në sistem dhe frikën e sanksioneve, si dhe natyrën e zgjatur të këtyre procedurave./BI
