Sondazhi në Gjilan: 95% e nxënësve, prindërve e mësimdhënësve janë të kënaqur me mësimin online

Drejtori i Arsimit në Gjilan, Nazim Gagica, në një konferencë për media ka bërë prezantimin e sondazhit për përdorimin e mësimit online në kohën e përballjes me pandeminë Covid-19.

Gagica ka thënë se nga data 16 mars janë duke punuar në procesin edukativo-arsimor përmes platformës online që ka krijuar Komuna e Gjilanit, gjithashtu është përcjellur edhe mësimi përmes videove nga MAShT, mësimi nga televizioni publik dhe rrjeteve sociale.

“Rreth 95 për qind e nxënësve, prindërve dhe mësimdhënësve janë të kënaqur me platformën online të mësimit. Konfirmojmë se këtë sondazh prinë platforma mesojmengashtepia.com, që e ka bërë Komuna e Gjilanit, pastaj vjenë mësimi përmes televizionit publik, e më pas MASHT me mësimet në youtube.com, e kështu me radhë. Në këtë formë të mësimit përmes sondazhit është bërë një komunikim i fuqishëm dhe i vazhdueshëm në këtë fazë mes nxënësve, mësimdhënësve dhe prindërve”, ka njoftuar Gagica.

Ai ka falënderuar nxënësit, mësimdhënësit dhe prindërit për realizimin e programit arsimor është në nivelin më të lartë dhe në komunikimin nxënës – mësimdhënës janë përdorur edhe aplikacione të tjera si viber, zoom, messenger etj.

“Duke përdorur aplikacionet e ndryshme është arritur që përveq zhvillimit të mësimit, të bëhet edhe vlerësimi i nxënësve, detyra të ndryshme për ta, aktivitetet e përbashkëta dhe gjithashtu janë zbatuar edhe forma të ndryshme të mësimdhënësies e nxënies sipas modeleve më të reja pedagogjike”, ka potencuar ai mes tjerash.

Gagica ka falënderuar të gjithë nxënësit, mësimdhënësit dhe prindërit të cilët janë angazhuar maksimalisht në zhvillimin e mësimit.

Komuna e Gjilanit ka lansuar një platformë mësojmëngashtëpia.com si iniciativë për mbajtjen e mësimt onlinë për të gjitha nivelet.

Kurse, Mësim online në Kosovë është duke mbajtur të gjitha nivelet e arsimit, ku për nivelin 1-9 MAShTI ka përgatitur video-ligjërata që janë duke u transmetuar në RTK. KALLXO.com ka asistuar në mënyrë vullnetare lidhur me realizimin e mësimit nga distanca.

Kurse, shkollat e mesme dhe fakultetet janë duke mbajtur mësim online sipas instruksioneve të Ministrisë së Arsimit, Shkencës, Teknologjisë dhe Inovacionit.

Deri tek mbyllja e instituticioneve të arsimit erdhi për shkak të përhapjes së coronavirusit në vend.