Shpejtim Bulliqi fiton Podujevën pa balotazh
29.11.2020 - 21:07
Kandidati i Lëvizjes Vetëvendosje për kryetar të Podujevës, Shpejtim Bulliqi, ka fituar zgjedhjet në këtë komunë në raundin e parë.
Sipas rezultateve që priten të publikihen nga KQZ, Bulliqi ka fituar 51.6 përqind.
Për Nexhmi Rudarin e LDK-së kanë votuar 36 përqind ndërsa rreth 13 përqind kanë votuar Naim Fetahun e PDK-së.
Zgjedhjet në Podujevë u mbajtën pas dorëheqjes së Agim Veliut nga posti i kryetarit të komunës në shkurt të këtij viti, pasi u emërua ministër i Punëve të Brendshme në qeverinë Kurti.
Zgjedhjet e caktuara për muajin mars u shtynë për shkak të pandemisë.