ShBA me më së shumti të prekur në botë me COVID-19
Shtetet e Bashkuara të Amerikës kanë marrë primatin si shteti me më së shumti persona të prekur me coronavirus.
Sipas të dhënave të fundit ShBA ka të prekur 400 mijë e 549 persona. Pas ShBA-së radhitet Spanja dhe Italia, me 146,690 raste respektivisht 135,586 raste.
Coronavirusi ka vrarë të paktën 12,893 njerëz në ShBA që nga 29 shkurti, kur një burrë 58 vjeçar afër Seattle u bë personi i parë që ka dalë pozitiv në ShBA, raporton Washington Post.
Numri i vdekjeve nga coronavirusi filloi të rritet në mënyrë të vazhdueshme në fillim të marsit, pastaj edhe më fuqishëm pasi u përhap në çdo shtet dhe shumicën e territorit amerikan. Coronavirusi ka vrarë njerëz në pothuajse çdo shtet.
Për shkak se testimi filloi ngadalë në Shtetet e Bashkuara, zyrtarët shëndetësorë bien dakord që numri i rasteve të raportuara është shumë më i ulët se numri aktual i personave që janë prekur nga ky virus, dhe madje numërimi i vdekjeve është ndoshta i ulët për shkak të dallimeve në raportim nga juridiksioneve të mbingarkuara lokale.
Pikat e nxehta kanë shpërthyer në disa vende me numër shumë të madh, asnjë më keq se në New York, ku të paktën 139.876 raste janë raportuar dhe të paktën 5,489 kanë vdekur që nga 14 marsi, kur Guvernatori Andrew M. Cuomo njoftoi për vdekjen e një gruaje 82 vjeçare.
Edhe pse është një shtet me popullsi të dendur, Nju Jorku gjithashtu udhëheq vendin për nga numri i vdekjeve për 100 mijë banorë.
Edhe në Luiziana numri i të prekurve është gjithashtu i lartë. Shteti po përballet me mungesë të respiratorëve dhe pajisjeve mbrojtëse për punonjësit e kujdesit shëndetësor, sipas guvernatorit John Bel Edvard. Shpërthimi i numrit të madh të të prekurve në New Orleans mund të ketë qenë nxitur nga festimi mujor i Karnavalit që tërhoqi më shumë se një milion njerëz në qytet në shkurt.
Por ato janë larg nga zonat e vetme që luftojnë për të përballuar sëmundjen dhe për të trajtuar viktimat e saj.
Washingtoni, ku u shënua rasti i parë në ShBA në muajin shkurt, ka pasur një numër të madh të vdekjeve midis njerëzve të moshuar, veçanërisht në zonën e Seattle. Sëmundja u rrënjos herët në disa shtëpi pleqsh dhe institucionesh King County që kujdesen për njerëzit më të moshuar dhe të sëmurë.
Shumica e vdekjeve në të gjithë botën kanë ndodhur tek njerëzit më të vjetër se 50 vjeç dhe ata me probleme shëndetësore, pasi ata shpesh janë më të prekshëm nga sëmundjet e frymëmarrjes.
Wayne County, Michigan, e cila përfshin Detroitin, ka një shkallë të lartë të infeksioneve për kokë banori, zyrtarët shëndetësorë i thanë Detroit Free Press, për disavantazhet ekonomike. Njerëzit në zonat me varfëri të madhe kanë tendencë të kenë shkallë më të lartë të diabetit, sëmundjeve të zemrës dhe mbipeshës.
Coronavirusi nuk është thjesht një çështje urbane. Zonat rurale me popullsi të rrallë nuk kanë numër të madh të rasteve ose vdekjeve siç është raportuar në qytete, por disa renditen lart për nga numri i vdekjeve dhe raste për kokë banori. Njerëzit në zona rurale kanë më shumë gjasa të vdesin nga gripi se sa ata në zona urbane dhe mund të jenë më të prekur edhe ndaj coronavirusit.
Një pjesë e vogël e qarqeve në Gjeorgjinë Jugperëndimore kanë numër të madhe të të infektuarve dhe vdekjeve në vend. Guvernatori dërgoi trupat e Gardës Kombëtare të Gjeorgjisë për të ndihmuar në kujdesin mjekësor në qarkun Dougherty, i cili ka më pak se 100 mijë njerëz, por qindra raste dhe dhjetëra vdekje.
Megjithatë, jo të gjithë numrat janë të tmerrshëm. Guvernatori i Kalifornisë, Gavin Newsom ishte i pari që lëshoi një urdhër mbarëkombëtar për të qëndruar në shtëpi më 19 mars në një përpjekje për të parandaluar përhapjen e sëmundjes që kishte depërtuar tashmë në zonën e Gjirit të San Franciskos dhe në Los Angeles. Shumica e guvernatorëve kanë lëshuar urdhëra të ngjashëm, dhe të dhënat paraprake tregojnë se urdhrat e hershëm për distancim shoqëror janë duke funksionuar.
