Flamuri amerikan - Foto: REL/Shutterstock
SHBA, Dhoma e Përfaqësuesve voton pro shkarkimit të kryetarit Kevin McCarthy
03.10.2023 - 23:35
Dhoma e Përfaqësuesve e Shteteve të Bashkuara votoi për shkarkimin e kryetarit të saj, Kevin McCarthy, për herë të parë në historinë e vendit.
216 nga anëtarët e Dhomës së Përfaqësuesve votuan pro shkarkimit të tij dhe 210 kundër.
Mocioni për shkarkimin e tij ishte paraqitur nga ligjvënësi Matt Gaetz, nga radhët e Partisë Republikane të zotit McCarthy.
Zoti Gaetz e kishte akuzuar zotin McCarthy se nuk kishte bërë sa ç’duhej për të shkurtuar shpenzimet federale./VOA