Reshjet e mëdha shkaktojnë përmbytje në pjesë të ndryshme të Kosovës

Pjesë të ndryshme të Kosovës sot pasdite janë përballur me mot me shi të dendur e vetëtima të mëdha.

Qytetarët kanë dërguar në adresë të KALLXO.com pamje nga vende të ndryshme.

Si duket, zona e Prishtinës ka qenë më e prekura nga vërshimet.

Rrugë të ndryshme në qytet por edhe ato që çojnë drejt qyteteve të tjera janë vërshuar, duke vështirësuar qarkullimin e qytetarëve këmbë dhe me automjete.

Pamjet e siguruara nga KALLXO.com tregojnë përmbytjen e rrugës në hyrje të Stacionit të Autobusave në Prishtinë.

Ndërsa, vërshime të rrezikshme janë regjistruar në Mramor.

Pjesë të rrugës Prishtinë-Podujevë janë vërshuar po ashtu sot pasdite.

Kurse, për shkak të vërshimeve, rruga magjistrale Prishtinë-Gjilan ka qenë përkohësisht e pakalueshme.

Ndërsa, në Vushtrri ka pasur edhe reshje breshri.