Prokuroria e Gjakovës jep detaje lidhur me dyshimet se u dhunua një burrë
07.2.2022 - 10:52
Prokuroria Themelore e Gjakovës, është deklaruar në lidhje me dyshimet se është dhunuar një burrë nga Gjakova, i cili dyshohet se ka çrregullime mendore.
Sipas Prokurorisë, personi që dyshohet se ka kryer këtë vepër gjendet ende në arrati.
Kështu ka thënë për KALLXO.com zëdhënësja e Prokurorisë Themelore në Gjakovë, Yllka Shehu.
“Personi i dyshuar gjendet në arrati dhe është në kërkim policor”, ka thënë ajo.
Tutje e njëjta ka treguar se Prokurori i Shtetit ka bërë kërkesë për ekzaminim gjinekologjik dhe psikiatrik për të dëmtuarin.
Në njoftimin e Policisë ishte thënë se ngjarja ka ndodhur dje rreth orës 19:00 dhe se i dëmtuari është dërguar për tretman mjekësor.
Gjakovë, dyshime për dhunim të një personi me çrregullime mendore