Prizren, shqiptohen mbi 360 gjoba për kundërvajtje gjatë 24 orëve

Polica e Kosovës ka shqiptuar mbi 360 gjoba për shkelësit e rregullave në trafik në Prizren.

Sipas policisë, këto gjoba janë shqiptuar gjatë 24 orëve të fundit.

“Polica e trafikut në Prizren gjatë punëve rutinë  brenda 24 orëve kanë shqiptuar gjithsejtë treqind e gjashtëdhjetë e shtatë (367) gjoba të ndryshme për kundërvajtje të ndryshme në komunikacionin rrugor”- thuhet në njoftimin e policisë.

Në mesin e kundërvajtjeve janë identifikuar edhe dy mjete transporti, një për ngarkese jo të sigurt dhe ndotje të rrugës nga zhavorri dhe tjetra për ngarkese jashtë distancës së rimorkios dhe pa shenjëzim adekuat, duke rrezikuar pjesëmarrësit në trafik.

Policia thotë se është e përkushtuar që të punojë dhe veprojë për sigurinë e gjithë qytetarëve.