Pamje nga inaugurimi i rrugës’ Remzi Hoxha’ në Tiranë. Foto: Screenshot/KALLXO.com.
Një rrugë në Tiranë emërtohet ‘Remzi Hoxha’
Një rrugë në Tiranë është emërtuar me emrin e Remzi Hoxhës, aktivist dhe biznesmen nga Kosova – i zhdukur pa gjurmë më 1995 në kryeqytetin shqiptar.
Ceremonia e emërtimit të rrugës me emrin “Remzi Hoxha” është bërë më 03.06.2024, me pjesëmarrjen e kryetarit të Bashkisë së Tiranës, Erion Veliaj dhe familjes Hoxha.
Gjatë kësaj ceremonia i kryetari i Tiranës, Erion Veliaj tha se Remzi Hoxha ishte një ndër kontribuuesit më meritorë në lëvizjen çlirimtari për Kosovën. Por, tha se për vrasjen e tij nuk është dënuar askush.
Me inaugurimin e kësaj rruge ka thënë kryebashkiaku Veliaj, Tirana, po e nderon dikë që e ka në ndërgjegjen e vet.
Ai e cilësoi vrasjen e Hoxhës, si krim shtetëror.
“Autorët e atij krimi shtetëror nuk dolën kur para drejtësisë në mënyrë të qartë për tu dënuar ata që vranë Remziun, nuk fshehën vetëm trupin e tij, por fshehën edhe një të vërtetë të madhe që do të jetë brenga gjithë gjeneratës sonë dhe një pjesë të të vërtetës që ata fshinin me procesin gjyqësor u pa që ishte një farës. Më pas disa nga autorët vdiqën, disa u arratisën pa gjurmë, disa të tjerë presin të përballen me drejtësinë në majë ballkonit apo penxheres së tyre, por në ndërkohë që historia tashëm ua ka bërë gjykimin e tyre si vrasë”- tha Veliaj gjatë ceremonisë.
Sot, tha ai ende nuk ka një drejtësi të plotë për Remzi Hoxhën.
Veliaj tha më tej se zakonisht kryeqyteti nderon njerëzit që i kanë dhënë atij një emër të madh dhe këtë e bënë edhe duke emërtuar rrugët me emra, historianë, shkencëtarq, veteranë, mësues, etj.
‘Por, ky i sotmi (Remzi Hoxha) në fakt nuk është si këto që përmendëm, ky është një rast i pazakontë, pasi kryeqyteti do të nderojë dikë që brengë në ndërgjegjen e vetë. Pra do të nderojë dhe do të përjetësojë dikë që kryeqyteti e ka vrarë, flas për Tiranën politike, dikë që Tirana politike e ka vrarë. Në një farë mënyre ky është rasti kur Tirana do të stampojë në kujtesën e vetë një nevojë të madhe për reflektim që ka shoqëria jonë e cila duhet ta frikësojë në kujtesën e kryeqytetit, jo vetëm heroizmat dhe ato gjëra që na kanë bërë krenar, por edhe si ky rast që na ka bërë që të ulim kokën. Rasti i Remzi Hoxhës është fiks një rast i tillë”- tha Velija, duke çmuar kontributin e djalit Ardian Hoxhës për të kërkuar të vërtetën e vrasjes së babait të tij.
Ndërsa, dali i Remzi Hoxhës, Ardian Hoxha tha se me këtë veprim të Bashkisë së Tiranës, po e nderon, jo vetëm familjen e tij dhe emrin e babait të tij, por edhe gjithë ato personalitete që për dekada e shekuj kontribuuan për çështjen kombëtare.
“Si popull kemi pasur shumë sakrifica shumë vuajtje, shumë represione dhe shumë familje e shumë individë kanë dhënë më të shtrenjta e tyre dhe me këtë që po e bëni këtë ju po e përjetësoni veprën e babait tim dhe shumë të tjerëve edhe po e bëni emrin Remzi Hoxha të përjetshëm”- tha ai.
Sipas familjarëve, Remzi Hoxha ishte rrëmbyer gjatë ditës në vendin e tij të punës në Shqipëri, në tetor të vitit 1995.
Po sipas tyre, dyshimet janë se Hoxhën e ka kidnapuar Shërbimit Informativ Shqiptar (ShISh) që në vitet 1990 quhej Shërbimi Informativ Kombëtar (ShIK).
