Një në arrati e një tjetër i dërguar në mbajtje - Katër raste të dhunës në familje gjatë së dielës
18.12.2023 - 10:14
Katër raste të dhunës në familje u raportuan në Policinë e Kosovës gjatë 24-orëve tw fundit.
Në Prishtinë, viktima grua ka raportuar se pas një mosmarrëveshjeje u sulmua fizikisht nga e dyshuara.
Viktima ka pranuar tretman mjekësor kurse e dyshuara është liruar në procedurë të rregullt.
Viktima grua në Lipjan ka raportuar se i dyshuari ka ushtruar dhunë psikike ndaj saj. Prokurori ka vendos që rasti të shkoj në procedurë të rregullt.
Në Fushë Kosovë, një grua pranoi tretman mjekësor pas sulmit fizik nga i dyshuari. I dyshuari në këtë rast është në arrati kurse rasti ende po hetohet.
I dyshuari në Zveçan ka kryer dhunë në familje dhe ka demoluar dhe thyer orenditë e shtëpisë. I dyshuari pas tretmanit mjekësor u dërgua në mbajtje.