Një grua bie nga një ndërtesë në Fushë Kosovë, Policia fillon hetimet
19.10.2023 - 17:10
Një grua ka rënë nga një ndërtesë gjatë ditës së sotme në Fushë Kosovë. Ajo është dërguar për tretman mjekësor.
Lajmin për KALLXO.com e ka konfirmuar zëdhënësja e Policisë për rajonin e Prishtinës, Flora Ahmeti.
Ahmeti ka treguar se ngjarja ka ndodhur rreth orës 14:20 në rrugë “Arbëria”.
Zëdhënësja ka thënë se aktualisht hetuesit policor në koordinim me prokurorinë përkatëse janë duke punuar për të sqaruar të gjitha rrethanat që lidhen me rastin.