Nga sa vota i grumbulluan Shefat e Grupeve Parlamentare të legjislaturës së fundit?

Prej katër Shefave të Grupeve Parlamentare të legjislaturës së kaluar të Kuvendit, Mimoza Kusari-Lila del të jetë më e votuara – sipas të dhënave preliminare të publikuara nga Komisioni Qendror i Zgjedhjeve.

Ajo renditet e para në këtë listë me 65,201 vota.

I dyti është Shefi i Grupit Parlamentar të Partisë Demokratike të Kosovës, Abelard Tahiri i cili në Zgjedhjet 9 shkurtit 2025 ka marrë 19,578 vota.

Ndërsa, Shefi i deputetëve të Lidhjes Demokratike të Kosovës, Arben Gashi renditet i treti me 13,668 vota.

Prej Kryetarëve të Grupeve Parlamentare më pak i votuari, sipas këtyre të dhënave, është Besnik Tahiri i cili rrezikon të mbetet jashtë Kuvendit të Kosovës. Ai ka aktualisht 8,391 vota.

Komisioni Qendror i Zgjedhjeve (KQZ) ka publikuar rezultatet preliminare të kandidatëve për subjektet politike. Sipas përditësimit të fundit që është bërë më 20.02.2025, në 23:06h, rezulton se janë numëruar 94.67% e votave.

Në këto rezultate nuk përfshihen: votat me kusht, votat e personave me nevoja të veçanta dhe votat nga votimi jashtë Kosovës – numërimi i të cilave sipas KQZ-së do të bëhet gjatë ditëve në vazhdim në Qendrën e Numërimit dhe Rezultateve.

Në bazë të rezultateve të fundit preliminare të përditësuara në orën 09:46, më 20.02.2025, në uebfaqen e KQZ-së, Lëvizja Vetëvendosje (LVV) është e para me 40.80%, apo 342, 281 vota.

Partia e dytë me më së shumti vota është Partia Demokratike e Kosovës (PDK) me 22.03%, apo 184,811 vota.

E treta është renditur Lidhja Demokratike e Kosovës (LDK) me 17.63%, apo 147,888 vota.

Koalicioni i Aleancës për Ardhmërinë e Kosovës (AAK) me Nismën, Demokratët, Intelektualët dhe Listën Ideal kanë marrë 7.46% të votave, apo 62,588 vota.

Lista Serbe është partia e pestë me 4.61%, apo 18,942 vota.

Më 09.02.2025, Kosova mbajti Zgjedhjet e rregullta parlamentare.