Ilustrim
Në Spitalin Rajonal të Ferizajt 38 pacientë të infektuar me coronavirus po trajtohen me oksigjen
21.8.2020 - 19:21
44 pacientë po trajtohen në Spitalin Rajonal të Ferizajt. Nga kjo shifër 34 kanë rezultuar pozitiv me coronavirus ndërsa negativ kanë rezultuar 10.
Drejtori i Spitalit Rajonal në Ferizaj, Jeton Zeqiri ka treguar se 38 nga pacientët janë duke u trajtuar me oksigjen.
Shtatë mjekë në këtë spital kanë rezultuar pozitiv dhe 12 infermierë.
Gjatë ditës së sotme në Kosovë janë regjistruar 162 raste të reja me COVID-19.
Vetëm në Ferizaj janë shënuar 10 raste të reja. IKSHPK ka njoftuar sot edhe se numri i të shëruarve është 220.
Instituti Kombëtar i Shëndetit Publik në vazhdimësi po bën apel që të respektohen masat e vendosura për parandalimin e përhapjes së pandemisë COVID-19 në Kosovë.