Foto: Policia e Kosovës
Mitrovicë, Policia sot shqiptoi 93 gjoba për shkelje të masave anti COVID-19
14.12.2020 - 20:31
Policia e Kosovës në rajonin e Mitrovicës ka zhvilluar sot një aksion për zbatimin e masave anti COVID-19, me ç’rast ka shpërndarë 93 gjoba.
Lajmin për KALLXO.com e ka konfirmuar edhe zëdhënësi i Policisë për Rajonin e Mitrovicës, Avni Zahiti.
“Njësitet policore në kuadër të Drejtorisë Rajonale, Mitrovicë-Jug, gjatë ditës së sotme kanë vijuar me zbatimin e masave kundër -Covid 19. Sot në intervalin kohor 07:00–19:00, policia ka shqiptuar 93 gjoba. Të gjitha këto në përputhje me vendimet e institucioneve shtetërore për parandalim të përhapjes së pandemisë”, ka thënë ai.