Linda Shala: Premtoj se do ta ndërtoj qendrën nacionale të xhudos në Pejë për 12 muaj
18.3.2021 - 23:00
Linda Shala, kandidate për kryetare të Komitetit Olimpik të Kosovës, në emisionin “Kallxo Pernime”, ka premtuar se nëse ajo i fiton zgjedhjet do ta ndërtojë qendrën nacionale të xhudos për 12 muaj.
“Unë garantoj që e ndërtoj qendrën nacionale të xhudos për 9 muaj, më së shumti për 12 muaj”, ka thënë Linda Shala.
Shala ka treguar se si ka menduar që ta ndërtojë qendrën nacionale të xhudos.
“Dy opsione i kam menduar, një nëpërmjet kredisë që ka me marrë Komiteti Olimpik që e ka buxhetin goxha të fortë, rreth 600 mijë euro duke i reduktuar shpenzimet administrative 40 për qind, përafërsisht 100 mijë euro i kursej brenda një viti. Opsioni i dytë është me donatorët dhe qytetarët e vendit”, ka thënë Shala.