![](https://kallxo.com/wp-content/uploads/2024/06/ZKP-ZKM-15-6-2024-2-720x480.jpg)
Kurti takon Sekretaren e Përgjithshme të Forumit Ekonomik të Vjenës
Kryeministri i Kosovës, Albin Kurti ka pritur në takim Sekretaren e Përgjithshme të VEF, Elena Kirtcheva.
Sipas njoftimit të Zyrës së Kryeministrit, në takim është biseduar për hapat e mëtejmë në drejtim të avancimit të rolit të organizatës dhe për të promovuar bizneset nga Kosova si masë drejt zhvillimit ekonomik.
“Gjatë takimit u bisedua rreth mundësisë së avancimit të statusit të organizatës me ndihmën e Republikës së Kosovës si anëtare e VEF si dhe organizimit të forumit të radhës në Vjenë gjatë nëntorit të këtij viti”, thuhet në njoftim.
Po ashtu, në fokus ishte edhe themelimi i zyrës së VEF në Republikën e Kosovës, e cila do dakordohet përmes një memorandum mirëkuptimi ndërmjet organizatës dhe Zyres së Kryeministrit.
“Qeveria e Republikës së Kosovës është e përkushtuar ndaj bashkëpunimit të ngushtë me VEF dhe promovimin e bizneseve vendore me qëllim të rritjes ekonomike për dobi të të gjithë qytetarëve të Kosovës”, thuhet tutje në njoftim./ Dukagjini