![](https://kallxo.com/wp-content/uploads/2020/04/23-04-2020-ZKM-1-695x310.jpg)
Kurti emëron një zëvendësministre në Ministrinë për Komunitete dhe Kthim
Kryeministri në detyrë i Kosovës, Albin Kurti, ka emëruar sot Alma Dushi Kabashi, zëvendësministre në Ministrinë për Komunitete dhe Kthim në Qeverinë e Republikës së Kosovës.
Siç njofton Zyra e Kryeministrit, Dushi Kabashi është ekonomiste e diplomuar dhe përvoja e saj 20 vjeçare në kontabilitet, shqyrtim të performancave financiare, procedura të prokurimit e çështje tatimore, në kombinim me rolin menaxhues në numër të madh projektesh për shumë institucione e organizata ndërkombëtare, sjell vlerë profesionale të shtuar dhe kompetencë në ministri dhe përgjithësisht në kabinetin qeveritar.
Kurti bashkë me Nenad Rashiq janë duke mbajtur konferencë për media nga e cila u bë e ditur se Rashiq i ka dorëzuar atij dorëheqjen, pas aktakuzës së ngritur.
Nenad Rashiq ishte emëruar këshilltar politik i Ministrit në detyrë edhe dhe udhëheqës i zyrës për çështje të komuniteteve brenda ZKM-së.