![](https://kallxo.com/wp-content/uploads/2024/06/449455692_979509216881142_702365111996726513_n-720x480.jpg)
Krasniqi në konferencën “BlockTalk Prishtina”
Kryetari i Partisë Demokratike të Kosovës, Memli Krasniqi ka marrë pjesë në hapjen e Konferencës “BlockTalk Prishtina”, e para e këtij lloji e organizuar nga komuniteti Crypto Albanians.
Këtë Krasniqi e ka bërë të ditur përmes një statusi në Facebook derisa foli për teknologjitë e reja, inovacionin digjital dhe rolin e blockchain dhe kriptovalutave.
“Konferenca si kjo, janë platforma të shkëlqyera diskutimi dhe vetëdijesimi, pasi që potenciali i teknologjive të reja digjitale e financiare për të ndryshuar paradigmat ekzistuese dhe për të transformuar të ardhmen tonë është jashtëzakonisht i madh. Gjithmonë kam besuar dhe besoj fort se Kosova mundet dhe duhet të jetë ndër vendet që dalin në ballë të inovacionit digjital në rajonin tonë, duke utilizuar potencialin e madh të rinisë sonë dhe përvojën tashmë ekzistuese në këto fusha”, – ka shkruar Krasniqi.
Ndryshe kryetari i PDK-së, Krasniqi, kishte deklaruar kriptovaluta në vlerë rreth 70 mijë euro, prej tyre 65 mijë euro bitcoin të blera në vitin 2016 në vlerë 570 euro.