Kontesti pronësor shkak i rrahjes mes tre personave në Gjilan
31.8.2020 - 11:45
Policia e Kosovës ka arrestuar tre persona pas një përleshje mes vete.
Ngjarja ka ndodhur dje në Gjilan, në Lagjen “Zabeli i Sahit Agës”.
Shkak i rrahjes, sipas policisë, ka qenë një kontest pronësor.
Të lënduarit kanë pranuar tretman mjekësor.
Gjatë përleshjes është dëmtuar edhe një veturë. Në lidhje me rastin është njoftuar edhe prokurori i shtetit.
Me vendim të këtij të fundit të dyshuarit janë dërguar në mbajtje.