Komuna e Ferizajt njofton sa persona janë shëruar sot në këtë qytet
13.6.2020 - 22:08
Gjashtë ferizajas janë shëruar nga infektimi me coronavirus, sipas njoftimit të Komunës së Ferizajt.
Gjithsej të shëruar në këtë komunë sipas njoftimit janë 123 persona.
“Nga njoftimet e IKSHPK-së bëhet e ditur se nga rezultatet e marra kemi edhe 6 ferizajas të shëruar që çon në 123 numrin e të shëruarve duke mbetur edhe 9 raste aktive”, ka njoftuar Komuna e Ferizajt.
Gjatë ditës së sotme Instituti Kombëtar i Shëndetësisë Publike ka njoftuar se gjithsej 7 persona janë shëruar nga coronavirus.
Në anën tjetër numri i të infektuarve është rritur për 53 gjatë ditës së sotme.