Këto janë 10 festivalet e kulturës dhe artit që do të organizohen këtë verë në Prizren
10 festivale të kulturës dhe artit pritet të mbahen në qytetin e Prizrenit gjatë kësaj sezone.
Kryetari i komunës së Prizrenit, Mytaher Haskuka përmes një postimi në Facebook ka treguar orarin e festivaleve që do të mbahen gjatë kësaj vere në komunën e Prizrenit.
Problemet me pandeminë kanë penguar mbajtjen e shumë festivaleve, jo veç në Kosovë, por në të gjithë botën.
Haskuka ka shkruar se tash pas periudhës së pandemisë, me uljen e rasteve, po rikthehet tradita verore e Prizrenit me aktivitete të shumta.
“Përveç këtyre kemi edhe shumë ekspozita, festivale, koncerte, shfaqje teatrale e punëtori që do të organizohen, e që shumica prej tyre janë të mbështetura e të subvencionuara nga Komuna e Prizrenit”, ka shkruar ai.
Këto janë festivalet e paralajmëruar:
15 – 18 korrik Ngomfest
16 – 19 korrik Festivali Autostrada Biennale
16 korrik Eja n’Sharr Fest
17- 20 korrik Oldtimer Club Prizren Fest
24 korrik Festivali Zambaku i Prizrenit
27-30 korrik Panairi i Librit
6-14 gusht Festivali Dokufest
24-25 gusht Panairi i Prodhimeve Vendore
24 – 26 gusht Forumi Invest in Prizren
10-12 shtator Festivali Hasi Jehon
