Kërkohet paraburgim për babain e Albert Krasniqit
Prokuroria në Prishtinë ka kërkuar caktimin e masës për paraburgimin për babain e dyshuar se vrau mbrëmë djalin e tij në Prishtinë.
“Prokuroria Themelore në Prishtinëka ndaluar për 48 orë personin me inicialet S.K., dhe ndaj të njëjtit ka paraqitur kërkesë për caktimin e masës së paraburgimit, në Gjykatën Themelore në Prishtinë.”, thuhet në njoftim.
Sipas prokurorisë, vrasja ka ndodhur mbrëmë rreth orës 17:00, , në garazhin e objektit banesor të tyre, nga motive të panjohura deri më tani.
“I dyshuari, me vendim të Prokurorit të Shtetit gjenden nën masën e ndalimit 48 orësh, ndërsa, trupi i pa jetë është dërguar në Institutin e Mjekësisë Ligjore, në Prishtinë, për obduksion. Prokurori i Shtetit, në koordinim me Policinë e Kosovës, janë duke i ndërmarrë të gjitha veprimet e nevojshme hetimore lidhur me këtë rast”, njofton prokuroria.
KALLXO.com ka raportuar mbrëmë për vrasjen në Prishtinë.
