Hoti emëron për këshilltar bashkëpartiakun e Duda Baljes

Kryeministri i Kosovës, Avdullah Hoti, ka emëruar këshilltar politik për komunitete, Almir Veliji, bashkëpartiakun e Duda Balje.

Këtë e ka bërë të ditur përmes një postimi në Facebook vetë Veliji.

“Sot pranova detyrën e Këshilltarit politik i #Kryeministrit z.#AvdullahHoti. Me këtë rast zotohem se detyrën që mora do ta kryej me përkushtim, vullnet dhe guxim, duke garantuar angazhim maksimal sidomos për komunitetin #Boshnjak”, ka thënë ai.

Ai ka shtuar se do të punojë për komunitetin boshnjak.

“Për t’i përmbushur objektivat tona si komunitet, e që janë edhe pritjet tuaja, do ta shfrytëzoj përvojën time institucionale në mënyrë që ta arrijm më të mirën për vendin tonë dhe për komunitetin. Nga sot ju përfaqesoj juve, Me #krenari dhe me shumë #sinqeritet Me #përkushtim dhe me #nder, Me #dashuri dhe me #zemer”, ka shkruar Veliji.