Ramush Haradinaj në takim me me udhëheqësin e OSBE-së në Kosovë, Michael Davenport. Foto:Ramush Haradinaj, Fcebook
Haradinaj takohet me udhëheqësin e OSBE-së në Kosovë
04.5.2021 - 16:33
Kryetari i Aleancës për Ardhmërinë e Kosovës, Ramush Haradinaj është takuar më udhëheqësin e OSBE-së në Kosovë, Michael Davenport.
Lajmin e ka bërë të ditur Ramush Haradinaj, përmes një postimi në llogarinë e tij në rrjetin social Facebook.
“Misioni i OSBE-së në Kosovë në vazhdimësi ka nxitur dhe mbështetur institucionet e vendit në avancimin e demokracisë, promovimin e të drejtave të njeriut dhe sundimin e ligjit. Në këtë frymë, ishte edhe bashkëbisedimi jonë sot, me ç’rast Ambasadorit Davenport i kërkova mbështetjen e tij për vendin tonë, e po ashtu e sigurova edhe për bashkëpunimin tim dhe të Aleancës me misionin që ai e drejton”, ka shkruar Haradinaj.
Postimi i plotë i kryetarit të AAK-së Ramush Haradinaj.
Një diplomat britanik i karrierës dhe njohës i mirë i çështjeve të Ballkanit, z. Michael Davenport ka marrë mandatin e udhëheqjes së Misionit të OSBE-së në Kosovë.
Sot i urova mirëseardhjen dhe njëkohësisht shumë suksese në detyrën e tij të re.
Misioni i OSBE-së në Kosovë në vazhdimësi ka nxitur dhe mbështetur institucionet e vendit në avancimin e demokracisë, promovimin e të drejtave të njeriut dhe sundimin e ligjit.
Në këtë frymë, ishte edhe bashkëbisedimi jonë sot, me ç’rast Ambasadorit Davenport i kërkova mbështetjen e tij për vendin tonë, e po ashtu e sigurova edhe për bashkëpunimin tim dhe të Aleancës me misionin që ai e drejton.