Haradinaj: Puna dhe angazhimi i presidentit Rugova jeton gjithnjë
Kryeministri në detyrë, Ramush Haradinaj ka bërë homazhe te varri i ish-presidentit të Kosovës, Ibrahim Rugova me rastin e 14 vjetorit të vdekjes së tij.
Haradinaj tha se Kosovën e presin sfida, por puna dhe angazhimi i presidentit Rugova jeton gjithnjë.
“Në përvjetorin e ndarjes nga jeta të Presidentit historik Dr. Ibrahim Rugova, nderojmë në emër të institucioneve të Kosovës, por edhe si njerëz edhe si bashkëpunëtorë, veprën e tij, por edhe momentin e ndarjes. Një moment që e mbaj mend gjithë jetën, një moment që e ka zgju gjithë populli, një nderim i jashtëzakonshëm i popullit të Kosovës, i gjithë miqve”, ka thënë kryeministri në detyrë.
Tek varri i Presidentit Rugova homazhe kanë bërë edhe anëtarë të Kryesisë së Lidhjes Demokratike të Kosovës.
Edhe, presidenti i Kosovës, Hashim Thaçi ka kujtuar ish-presidentin Ibrahim Rugova në përvjetorin e tij të vdekjes.
Thaçi në Facebook ka shkruar se Rugova ka lënë pas tij, miqësinë dhe politikat paqësore me Shtetet e Bashkuara të Amerikës dhe Perëndimin.
LIVEHomazhet në përvjetorin e vdekjes së ish-Presidentit Ibrahim Rugova
Publiée par Kallxo.com sur Mardi 21 janvier 2020
.