Gruaja raportoi se ishte kërcënuar e keqtrajtuar psiqikisht nga burri dhe vjehrri

Një burrë dhe babai i tij janë arrestuar nën dyshimin se kanë kryer veprën penale të dhunës në familje.

Të dy po dyshohen për kërcënim e keqtrajtim psikik ndaj gruas së njërit prej të dyshuarve. Rasti është regjistruar se ka ndodhur në Prishtinë.

Në polici ka shkuar gruaja dhe ka raportuar burrin dhe vjehrrin e saj. Sipas viktimës të njëjtit në vazhdimësi kanë bërë kërcënim dhe keqtrajtim psikik ndaj saj.

Në lidhje me rastin është njoftuar edhe Prokurori i Shtetit.

Me vendim të këtij të fundit burri dhe babai i tij pas intervistimit janë dërguar në mbajtje për 48 orë.