Gjendet pa shenja jete një 53-vjeçar në Pirq të Mitrovicës

Një 53-vjeçar është gjetur pa shenja jete në fshatin Pirq të Mitrovicës, sot rreth orës 11:00.

Lajmin për KALLXO.com e ka konfirmuar zëdhënësi i Policisë së Kosovës për rajonin e Mitrovicës, Avni Zahiti.

Zahiti tha se rasti ka ndodhur sot rreth orës 11:00 dhe bëhet fjalë për një 53-vjeçar me inicialet B.B.

“Sot, rreth orës 11:00,  është raportuar se në fshatin Pirq të Mitrovicës, është gjetur pa shenja jete viktima B. B., mashkull i moshës 53 vjeçar”- ka konfirmuar Zahiti.

Zahiti tha se me urdhër prokurorit trupi i pa jetë, është dërguar në Institutin e Mjekësisë Ligjore për obduksion.