FOTO - Bastisje në shtëpinë e Rexhep Selimit
Njësitë e Policisë së EULEX-it dhe Policisë së Kosovës e kanë rrethuar shtëpinë e shefit të Grupit Parlamentar të Lëvizjes së Vetëvendosje, Rexhep Selimi.
KALLXO.com ka kuptuar se edhe në shtëpinë e Selimit në Lagjen Bregu i Diellit në Prishtinë është duke u bërë bastisje, sikurse u bënë më herët në shtëpinë e ish-presidentit, Hashim Thaçi.
KALLXO.com po ashtu ka kuptuar se në këtë bastisje hetuesit policorë janë civil.
Në lidhje me këtë, zyra e Prokurorit të Specializuar ka njoftuar se gjatës ditës së sotme do të ketë bastisje
Ditë më parë, misioni i EULEX-it ka bastisur për orë të tëra edhe shtëpinë e ish-kryetarit të Kuvendit të Kosovës, Jakup Krasniqit.
Dy ditët e fundit është bërë e ditur që janë konfimuar aktakuzat për kryetarin e PDK-së, Kadri Veseli, ish-presidentin e Kosovës, Hashim Thaçi, shefin e Grupit Parlamentar të Lëvizjes Vetëvendosje, Rexhep Selimi dhe ish-kryetarin e Kuvendit, Jakup Krasniqi.
Ndërsa, dje, ish-presidenti, Hashim Thaçi ka dhënë dorëheqje.
.
