![](https://kallxo.com/wp-content/uploads/2018/09/Ministrja-gjermane-e-Mbrojtjes-Ursula-Von-Der-Leyen-foto-REL-EPA-EFE-e1536771119953.jpg)
Evropa i kërkon falje Italisë që e la vetëm në betejën me COVID-19
Presidentja e Komisionit Evropian, Ursula von der Leyen, i ka kërkuar falje Italisë që e ka lënë të vetme në betejën e saj më pandeminë COVID-19.
“Po, është e vërtetë që askush nuk ishte i gatshëm për këtë”, ka thënë të enjten në Parlamentin Evropian Ursula von der Leyen.
”Po ashtu është e vërtetë se shumë nuk ishin në kohë aty kur Italisë i duhej ndihma krejt në fillim. Dhe po edhe për këtë, është e saktë që Evropa si e tërë kërkon thellësisht falje”, ka theksuar ajo, raporton BBC.
Më shumë se 21 mijë njerëz kanë vdekur në Itali si pasojë e virusit COVID-19. Ky është shteti me më së shumti vdekje në Evropë.
Teksa Italia kishte problem të parandalonte shpërndarjen e virusit në fillim të marsit, shtetet tjera si Franca dhe Gjermania nisën të aplikojnë pengesa në eksportim të maskave pavarësisht se BE-ja kishte thënë që këto veprime minojnë përgjigjen e përbashkët ndaj virusit.