Dy të vdekur dhe 14 raste të reja me COVID-19

Sipas të dhënave nga Instituti Kombëtar i Shëndetësisë Publike të Kosovës, nga 1.153 testime, 14 qytetarë kanë rezultuar pozitivë me COVID-19.

Po ashtu, gjatë 24 orëve të fundit, janë shënuar 2 raste të vdekjes.

Sot janë shëruar 74 qytetarë, derisa numri i përgjithshëm i të shëruarve është 156.333.

Në total numri i rasteve aktive është 1.095

Në anën tjetër bëhet e ditur se për një ditë janë dhënë 9.795 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 1.456.845 doza të vaksinës.

Deri më sot 632.567 qytetarë janë vaksinuar me dozën e dytë.