Boksierja kosovare një hap larg medaljes në kampionatin botëror
15.5.2022 - 22:34
Boksierja kosovare Donjeta Sadiku është vetëm një fitore larg medaljes botërore, në kampionatin botëror të boksit ‘Stamboll 2022’.
Siç ka bërë të ditur Komiteti Olimpik i Kosovës, Donjeta Sadiku ka mposhtur 5:0 sot Jocelyne Tshamala nga Kongo, në kategorinë 57 – 60kg.
Me këtë fitore, sipas KOK-ut, Sadiku është kualifikuar në çerekfinale.
“Donjeta Sadiku ka shënuar tjetër fitore bindëse në Kampionatin Botëror “Stamboll 2022”. Ajo mundi 5:0 Jocelyne Tshamala nga Kongo, kategoria 57-60 kg.Me këtë fitore, Sadiku u kualifikua në çerekfinale dhe është vetëm një fitore larg medaljes botërore”, ka bërë të ditur Komiteti Olimpik i Kosovës.