Ambasadorja finlandeze: Jo më luftëra kundër njëri-tjetrit por kundër coronavirusit
Ambasadorja e Finlandës në Kosovë, Pia Stjernvall, ka kërkuar nga institucionet në Kosovë që të mos ta luftojnë njëri-tjetrin por ta luftojnë coronavirusin.
“Jo më luftëra kundër njëri-tjetrit por kundër këtij virusi #COVID ー 19! Ne kemi nevojë për një botë të bashkuar, Finland të bashkuar dhe Kosovë të bashkuar”, ka shkruar ajo në Twitter.
Përderisa në Kosovë janë 61 raste të prekura nga coronavirusi, partnerët e koalicionit pritet ti japin fund qeverisjes më pak se dy mujore të tyre.
No more fight against each other but against this #COVIDー19 virus! We need united world, united #Finland and United #Kosovo. Thanks #UN for a great call! https://t.co/PIvzh9f0pI
— Pia Stjernvall (@StjernvallPia) March 24, 2020
Qeveria e Kosovës ka marrë vendim për ndalimin e qarkullimit të qytetarëve dhe automjeteve pritet të ndahet në dy kohë të ndryshme. Nga ora 10:00 e mëngjesit deri në ora 16:00 pasdite dhe prej orës 20:00 në mbrëmje deri në ora 06:00 në mëngjes.
Ndërsa këtë vendim presidenti e ka dërguar në Gjykatën Kushtetuese ku ka kërkuar të vendoset masë ndaj këtij vendimi si dhe i ka shkruar letër Kurtit duke i kërkuar pezullimin e vendimit.
