Ambasadori i Gjermanisë në Kosovë, Christian Heldt
Ambasadori gjerman mirëpret emërimin e Lajçakut për dialogun Kosovë-Serbi
Ambasadori gjerman në Kosovë, Christian Heldt, ka mirëpritur emërimin e Mirosllav Lajçak si të dërguar special nga BE për dialogun Kosovë-Serbi.
Heldt në Twitter tha se Lajcak do të flaës në emër të Gjermanisë dhe të gjitha vendeve anëtarë të Bashkimit Europian.
“Gjermania mirëpret Miroslav Lajcak – në emër të dialogut të strukturuar dhe thelbësor të BE-së, i cili çon në një zgjidhje gjithëpërfshirëse dhe ligjërisht detyruese. Si përfaqësues i BE-së, ai gjithashtu do të veprojë dhe të flasë për Gjermaninë dhe të gjitha vendet anëtare. Mbani në mend: Gjermania është BE, BE është gjithashtu Gjermani”, ka thënë ai.
?? welcomes @MiroslavLajcak will – on behalf of ??- steer structured & substantial dialogue leading to a comprehensive and legally binding settlement. As ?? representative, he will also act & speak for ?? & all member states. Keep in mind : ?? is ??, ?? is also ??. #EUunity. https://t.co/MU3OobKU9h
— Ambassador Christian Heldt (@GermanAmbKOS) March 23, 2020
Dje, zëvendëspresidenti i Komisionit Evropian, Josep Borrell bëri të ditur se Lajçak është diplomati i duhur për të udhëhequr dialogun Kosovë – Serbi.
Dialogu ndërmjet Kosovës dhe Serbisë u ndërpre, pasi Qeveria e Kosovës në nëntor të vitit 2018 vendosi taksën 100 për qind ndaj produkteve të Serbisë dhe Bosnjë e Hercegovinës. Serbia ka kushtëzuar kthimin në tavolinën e bisedimeve me heqjen e taksës.
Bashkimi Evropian dhe Shtetet e Bashkuara të Amerikës në vazhdimësi i kanë bërë thirrje Kosovës që të heqë taksën, me qëllim që t’i jepet mundësi vazhdimit të dialogut.