Aksident trafiku në Rahovec, vdes një person
25.7.2022 - 15:13
Një person ka vdekur si pasojë e një aksidenti që ka ndodhur sot në drejtimin Rahovec-Xërxë.
Lajmin për KALLXO.com e ka konfirmuar zëdhënësi i Policisë për rajonin e Gjakovës, Lumni Graishta.
Ai ka thënë se në ketë aksident kanë qenë të përfshira dy automjete.
“Po, është aksident me fatalitet. Dy automjete të përfshira, drejtuesi i njërit prej automjeteve të përfshira ka vdekur si pasojë e lëndimeve. Për informata dhe detaje tjera do të njoftoheni nga zëdhënësi ose në raportin 24 orësh”, ka thënë Graishta për KALLXO.com.