Ilustrim
Vdes gruaja që ishte lënduar tri ditë më parë në aksidentin në Podujevë
Një grua e cila kishte mbetur e lënduar në aksidentin që kishte ndodhur më 19 maj në Gërdovc të Podujevës, ka vdekur mbrëmë në Qendrën Klinike Universitare të Kosovës, ku po trajtohej, njofton Policia e Kosovës.
Sipas raportit të Policisë, trupi i pajetë i viktimës është dërguar në Institutin e Mjekësisë Ligjore për obduksion.
Policia ka njoftuar se si pasojë e këtij aksidenti, lëndime kanë pësuar shtatë pasagjerë të cilët ishin dërguar për tretman mjekësor.
Në këtë aksident kane qenë të përfshira dy vetura.
“Me datën e cekur kishte ndodhur aksident trafiku në të cilin ishin përshirë dy vetura. I dyshuari mashkull kosovar derisa ishte duke drejtuar veturën dyshohet se nga pakujdesia ka shkaktuar aksidentin duke goditur veturën tjetër të cilën ishte duke e drejtuar viktima mashkull kosovar”- thuhet në raportin e Policisë.
Tutje thuhet se rasti është në proces hetimor.