COVID-19 Ilustrim: Naser Fejza
771 raste me COVID-19 brenda 24 orëve
16.1.2022 - 14:54
771 qytetarë kanë rezultuar pozitiv me COVID-19 gjatë 24-orëve të fundit, sipas të dhënave nga Instituti Kombëtar i Shëndetësisë Publike dhe Ministria e Shëndetësisë të Kosovës.
Sipas njoftimit, ky rezultat është nga 6 mijë e 553 testime të bëra.
Ndërsa, gjatë 24-orëve nuk është shënuar asnjë rast i vdekjes.
“Sot janë shëruar 119 qytetarë, derisa numri i përgjithshëm i të shëruarve është 158.651”, thuhet në njoftim.
Ndërsa numri i rasteve aktive me COVID-19 është 4 mijë e 489.
“Prej fillimit të vaksinimit në të gjitha qytetet e Kosovës janë dhënë 1.716.223 doza të vaksinës”, thuhet më tutje.
Rastet me COVID-19 ditëve të fundit në vend janë duke u rritur. Dje ishin regjistruar 658 raste të reja me coronavirus.