4 të vdekur dhe 299 raste të reja me COVID-19 në Shqipëri

4 qytetarë kanë humbur jetën gjatë 24 orëve të fundit në Shqipëri, ndërsa janë identifikuar 299 raste të reja me coronavirus nga 1,315 testime të kryera.

“Nuk e kanë fituar dot betejën me virusin një 64-vjeçar nga Elbasani, një 65-vjeçar nga Tropoja, një 77-vjeçar nga Tirana dhe një 81-vjeçar nga Gramshi”,bëhet e ditur.

Po ashtu, këtë të diel janë shëruar 106 qytetarë, duke e çuar në 10654 numrin e të shëruarve që prej fillimit të epidemisë.

“Rastet pozitive të konfirmuara në 24 orët e fundit janë identifikuar në këto bashki: 184 raste në Tiranë, 23 raste në Korçë, 12 raste në Vlorë, 11 raste në Kuçovë, 8 raste në Durrës, 7 raste në Elbasan, 6 raste në Pogradec dhe Përmet, 5 raste në Librazhd, 4 raste në Shkodër dhe Lezhë, 3 raste në Fier, Pukë, Tropojë, Sarandë, Skrapar, 2 raste në Krujë, Kurbin, Prrenjas, 1 rast në Devoll, Kukës, Kavajë, Berat, Kamëz, Mat, Fushë-Arrëz, Cërrik”,ka bërë të ditur Ministria e Shëndetësisë./RTV21