Postimi i rremë për KTV-në
Deklarata
Bojkotoni Produktet Serbe
Vlerësimi
Rrenë
Publikimi në faqen Prishtina është i rremë. Kompania që është pronare e televizionit KTV nuk ka kapital serb dhe nuk është e regjistruar me pronësi serbe.
Artikulli
Faqja e Facebook “Prishtina Magazine” më 1 gusht 2023 ka shpërndarë një postim me mbishkrimin “Bojkotoni Produktet Serbe”.
Këtij postimi i është bashkëngjitur një fotografi e montuar ku shihet Kryeministri i Kosovës, Albin Kurti, logo e televizionit KohaVizion dhe Veton Surroi, vëllai i drejtoreshës së këtij televizioni, Flaka Surroi.
Mbi fotografitë e Albin Kurtit, Veton Surroit dhe logos së KTV-së janë vendosur dy X me ngjyrë të kuqe.
Me datë 05/08/2023 Kryepometri ka kontaktuar me Flaka Surroin për të verifikuar pretendimin që KTV është prodhim serb.
“Grupi KOHA shpk është e regjistruar si kompani me përgjegjësi të kufizuar që nga korriku i 2005-s, me kapital të pastër kosovar dhe me pronare të vetme Flaka Surroi, me shtetësi kosovare”- ka thënë Surroi në deklaratë.
Ajo ka sqaruar se edhe kapitali i themelimit të biznesit është kapital Kosovar.
Krypometri ka kontrolluar edhe regjistrin zyrtar të bizneseve në Kosovë për të verifikuar pronësinë e KTV.
Në kontrollin e kryer me datë 5 gusht në faqen e Agjencisë së Regjistrimit të Bizneseve në Kosovë ky televizion është i regjistruas në emër të Grupi Koha SH.P.K me pronare Flaka Surroi.
Krypometri me datë 05/08/2023 ka kontaktuar edhe me Arlind Manxhuka, zëdhënës i partisë Lëvizja Vetëvendosje, kryetar i së cilës është Albin Kurti.
Ai ka mohuar që Kurti është produkt i Serbisë.
“Këto janë fake neës të kohëve të fundit që vijnë në kuadër të luftës hibdride”- ka thënë Manxhuka.