Fotografia e rreme për Berat Buzhalën
Deklarata
Berat Buzhala gjendet në Katar, për të mbrojtur sonte ngjyrat e tij kombëtare
Vlerësimi
Rrenë
Fotografia e publikuar në Facebook me përshkrimin “Berat Buzhala gjendet në Katar, për të mbrojtur sonte ngjyrat e tij kombëtare” është e rreme. Kjo fotografi është e ndryshuar, fotografia origjinale është publikuar në vitin 2018 nga Radio Evropa e Lirë dhe nuk shihet Buzhala.
Artikulli
Më 24 nëntor, në grupin #meVETËVENDOSJE-n, në Facebook është publikuar një fotografi e manipuluar në të cilën shihet Berat Buzhala. Fotografia është manipuluar në atë mënyrë që është vendosur fotografia e Buzhalës duke mbajtur flamurin e Serbisë në duar dhe është shkruar se ai gjendet në Katar për të “mbrojtur ngjyrat e tij kombëtare” dhe është quajtur “tifoz i flaktë”.
Kjo fotografi është e rreme, pasi që është e manipuluar. Fotografia e vërtetë është publikuar në vitin 2018 nga Radio Evropa e Lirë dhe në të shihet një burrë tjetër.
Shpërndarja e kësaj fotografie është bërë në ditën kur Serbia kishte ndeshjen e saj të parë në kuadër të kampionatit botëror të futbollit që po mbahet në Katar.