Vladimir Rajçiq, Aktori Serb i Cili Tronditi Trump-in

Serbo-amerikani Vladimir Rajçiq u bë kryetitull të enjten pasi një gazetë serbe publikoi një intervistë shokuese të tij me kandidatin republikan për president të SHBA-ve Donald Trump në të cilën Trump supozohet se kritikoi bombardimet e udhëhequra nga ShBA-të ndaj Serbisë në vitin 1999.

Sipas gazetës Nedeljnik, Rajçiq, i cili është aktor dhe producent i filmit në ShBA, ishte një ndërmjetës në mes të medias dhe ekipit të zgjedhjeve të Trump, i cili thuhet se ekipi i ka ofruar atij materiale dhe deklarata shpërthyese.

Intervista u botua dhe u shpall si ekskluzive, duke pasur me sa duket dritë pas “muajve duke u përpjekur për të siguruar atë”.

Nuk është për t’u habitur që intervista bëhet një sensacion i menjëhershëm në mediat serbe, më gjerë në Ballkan dhe SHBA, pasi, siç pohoi, Trump me përulje i kërkoi falje Serbisë për bombardimet e NATO-s në vitin 1999, të projektuara për ta detyruar Serbinë të tërhiqet nga Kosova.

Sipas Nedeljnik, Trump gjithashtu premtoi se do të ndryshojë politikën e jashtme amerikane ndaj Serbisë  për të krijuar një marrëdhënie të mirë mes të dy vendeve.

Pas një jave përplot me tituj skandalozë për qëndrimet e tij rreth gjinisë femërore, ‘lajmi’ i fundit dukej si një tjetër “autogol” spektakolar nga ana e kandidatit për president.

Në mbrëmjen e së enjtes, stafi i fushatës së Trump e ka quajtur intervistën si false duke deklaruar se Trump kurrë nuk ka folur për gazetën në fjalë.

“Z. Trump kurrë nuk ka dhënë intervistë për gazetën serbe Nedeljnik dhe se raportimet nga gazeta e diskredituar Newsweek janë false, e aq më pak një intervistë e tillë të jetë kryer nëpërmjet drejtorit të shtetit të Indianës”, delkaroi Jason Miller, këshilltari i lartë i Trump-it për marrëdhënie me publikun.

“Intervista është false dhe ne do të punojmë për të marrë një përgënjeshtrim zyrtar”, tha ai

Duke iu përgjigjur thirrjes së qartë nga selia e Trump, Rajçiq nuk pranoi ta tërheqë intervistën e tij dhe deklaroi qëndrimin se “ekipi i Trump nuk dëshiron të jetë i lidhur me emra të caktuar”.

Të premten, Rajçiq deklaroi në Twitter se e dërgoi intervistën në CNN, Fox dhe NBC ku tha se qartësoi gjithçka çfarë ka ndodhur në intervistë.

Ai gjithashtu pohoi se “dikush” kishte frikë prej tij duke folur në lidhje me garën e ardhshme për president të Serbisë dhe se “po e fusin në kurth”.

“Rajçiq po i ngacmon të gjithë që nuk kanë se si ta luftojnë, dhe tani janë duke e zvarritur në baltë për të qenë të sigurt se nuk ka asnjë mundësi në garën për President. E kanë shumë gabim”, shkruan Rajçiq në Twitter.

Rajçiq lindi në Pejë më 1974 por u shpërngul në Chicago të ShBA-ve më 1995 dhe filloi karrierën si aktor. Ai është bashkë-pronar i produksionit V.P.R Studio së bashku me vëllain e tij Pedrag.

Sipas biografisë së tij, ai ka diplomuar në gazetari, muzikë dhe aktrim. Ai gjithashtu pohon se gjatë kohës sa jetonte në Beograd ishte anëtar i një rok grupi të madh.

Në SHBA Rajçiq ishte pjesë e disa roleve në top serialet si ‘Desperate Housewives’, ‘NCIS: Naval Criminal Investigative Service’, ‘CSI Miami’, ‘Charmed’, ‘Entourage’ etj. Ai aktroi në filmin “Serbian Scars” në 2009 ku ishte gjithashtu producent dhe skenarist.

I filmuar pjesërisht në Çikago, “Plagët serbe” ishte një aventurë e cila kishte lidhje me një ushtar serb që vjen në Çikago, në kërkim të vëllait të tij të humbur për një kohë shumë të gjatë.

Një shqyrtim i bërë në Serbi thotë se filmi ishte “i keq deri në neveri”.

“Në fakt, për ta quajtur këtë” film” të keq do të ishte një kompliment i përgjithshëm si unë që ndjehem i frikësuar mentalisht pasi e kam shikuar. Unë mendoj se duhet një talent i një lloji të rrallë dhe të veçantë për ta bërë një të tmerrshëm film si ky!”, thuhet në shqyrtim.

Në Serbi, Rajçiq u bë i njohur kur u paraqit si mysafir në një shfaqje televizive në fund të vitit 2012 e organizuar nga Mira Adanja Polak.

Gjatë emisionit, Adanja Polak pyeti atë për premtimin e tij për të bërë një film për heroin dhe shkencëtarin serb Nikola Tesla, në të cilin do të aktronin yjet e mëdhenj të Hollivudit. Asgjë deri më tani nuk ka ardhur prej tij.

I patrembur, në maj të këtij viti, Rajçiq njoftoi se ai synon të kandidojë për President të Serbisë në zgjedhjet e vitit 2017. Madje ai e ka filluar fushatën për këtë qëllim.

Në një intervistë me Nedeljnik në korrik të vitit 2016, ai deklaroi se ai donte të bëhej “Ronald Reagan-i serb”, duke shtuar se Serbia ishte e gatshme për politikanë të rinj.