Aksion i Madh në Prishtinë Konfiskohen 47 Kilogramë Drogë
04.1.2018 - 11:37
Gjashtë persona janë arrestuar gjatë një aksioni të djeshëm të Policisë së Kosovës, përkatësisht njësiti anti-drogë.
Gjatë aksionit, policia ka bastisur një lokacion në fshatin Marevc dhe një tjetër në fshatin Matiqan, ku kanë gjetur dhe konfiskuar 47 kilogramë substancë të dyshuar narkotike, 3 revole me gaz, disa fishekë dhe tre vetura.
Sipas policisë në këtë aksion ishin arrestuar katër të dyshuarit e parë, ndërsa personi i pestë ishte arrestuar ne rrugën Prishtinë-Podujevë dhe i gjashti në një lokal afër Postës së Kosovës.
