Lirohen dy ushtarët e Kosovës të ndaluar në Serbi

Dy pjesëtarët serb të Ushtrisë së Kosovës të cilët ishin ndaluar herët në mëngjes nga autoritetet serbe në pikë kalimin kufitar në Jarinjë, raportohet se janë liruar.

Alen dhe Anel Ujkanoviç janë intervistuar nga autoritetet serbe për tre orë rresht.

Këtë e ka konfirmuar Gjenerali Rrahman Rama.

Edhe Anel Ujkanoviç ndërkohë ka treguar se tani janë në Novi Pazar. Ai ka rrëfyer se si janë marrë në pyetje nga pala serbe për tre orë rresht.

Për ndalimin e tyre ka reaguar sot edhe i pari i ekzekutivit Ramush Haradinaj i cili kishte kërkuar lirimin e tyre të menjëhershëm.

Edhe zëvendësministri i Mbrojtjes, Burim Ramadani, ka thënë se këto janë veprime të papërgjegjshme të Serbisë. Sipas tij këto veprime janë një tregues i qartë se pse Serbia e meriton vendimin e Qeverisë së Republikës së Kosovës për taksë.

https://kallxo.com/serbia-ndalon-dy-ushtare-te-fsk-se-reagon-kryeministri-haradinaj/

https://kallxo.com/pacolli-ne-facebook-kerkon-nderhyrjen-e-be-se-pas-ndalimit-te-dy-ushtareve-te-fsk-se-nga-serbia/

.