NASA në kërkim të planetëve ku mund të ketë jetë

NASA ka nisur një anije kozmike në gjithësi me mision për të gjetur jashtë Sistemit Diellor planetë të rinj në të cilët mund të zhvillohet jetë.

Anija kozmike TESS është nisur më 18 prill në një udhëtim rreth Hënës.

Ky mision ka për qëllim gjetjen e yjeve më të afërt e më të ndritshëm, në përpjekje për të identifikuar ndonjë planet rreth tyre.

Qindra mijëra yje do të vëzhgohen së bashku me mijëra planetë që planifikohen të identifikohen jashtë Sistemit Diellor për të kuptuar nëse në ndonjërin prej tyre mund të zhvillohet jetë.

Planetët që do të duken më premtues në këtë mision do të studiohen më pas përmes ndonjë udhëtimi tjetër për të analizuar atmosferën dhe elemente tjera thelbësore për jetë.