Zvicra anulon vendimin për karantinimin e qytetarëve nga Kosova
Nga data 28 shtator, qytetarët nga Kosova që shkojnë në Zvicër nuk do të detyrohen të qëndrojnë në karantinë.
Kështu ka bërë të ditur Zyra Federale e Shëndetit Publik në këtë shtet, ku përveç largimit të karantinës për Kosovën është larguar edhe karantina për San Marino.
Ambasada e Republikës së Kosovës në Bernë ka njoftuar qytetarët për largimin e kësaj mase.
“Zvicra ka vendosur te anuloje vendimin për mbylljen ne karantine te qytetareve nga Kosova. Nga data 28 shtator 2020, Kosova nuk do te jete në listën e vendeve me rrezik të lartë. Prandaj nuk do te vlejë masa e vetizolimit 10 ditor shtëpiak”, thuhet në njoftimin e ambasadës.
Më 28 qershor, pas shtimit të rasteve të reja me COVID-19, Epidemiologët në Zvicër kanë kërkuar që karantina dhe testet të përshkruhen për udhëtarët nga vendet me rrezik të lartë.
Përveç Kosovës edhe Britania e Madhe dhe vendet e Ballkanit si Bosnjë-Hercegovina, Kroacia dhe Shqipëria ishin në mesin e vendeve me rrezik të lartë.
Zvicra rekomandon karantinë 2 javore dhe teste për udhëtarët që kthehen nga Ballkani