Vushtrri, 7 të lënduar në aksidentin mes dy veturave
13.10.2019 - 17:32
Një aksident trafiku me disa të lënduar ka ndodhur sot pasdite në afërsi të Vushtrrisë.
Policia e Rajonit të Mitrovicës e ka konfirmuar për KALLXO.com lajmin.
Sipas zëdhënësit të Policisë, Avni Zahiti, aksidenti ka ndodhur rreth orës 14:00 në fshatin Druarë të Vushtrrisë.
“Të përfshira në aksident janë dy vetura civile ku si pasojë lëndime kanë pësuar shtatë persona, të cilët kanë kërkuar tretman mjekësor në Spitalin e Vushtrrisë”, ka thënë për KALLXO.com Avni Zahiti.
Njësitë përkatëse janë duke i hetuar rrethanat dhe shkakun e aksidentit.