Vrasje në Vushtrri, viktima rreth 19-vjeçar

Ka vdekur personi i plagosur nga arma e zjarrit në Vushtrri, mbrëmjen e së dielës – 23.03.2025.

Zëdhënësi i Policisë Rajonale të Mitrovicës, Avni Zahiti ka thënë për KALLXO.com, se viktima është rreth 19-vjeçar.

“Rreth orës 20:35 min policia ka pranuar informatën për të shtëna nga arma e zjarrit, ngjarja ka ndodhur në rrugën ‘Galip Badivuku’ në Vushtrri. Nga hetimet fillestare bëhet e ditur se si pasojë e plagëve të pësuara nga arma e zjarrit ka humbur jetën viktima mashkull/ kosovar rreth 19-vjeçar. Njësitet përkatëse policore ndodhen në vendin e ngjarjes dhe janë në kërkim të personit të dyshuar” – ka deklaruar Avni Zahiti.

Fillimisht u raportua për plagosje me armë zjarri, rreth orës 20:30.

Avdulaziz Hoxha, shef i Hetimeve për Rajonin e Mitrovicës ka konfirmuar për KALLXO.com se bëhej fjalë për plagosjen e një personi.

Policia e Kosovës ka dalur në vendin e ngjarjes për të zbardhur rrethanat e rastit.

KALLXO.com ka raportuar nga vendi ku ndodhi vrasja.