Policia/Ilustrim
Viti, i dyshuari aksidentohet me policinë gjatë ikjes
Një i dyshuar ka aksidentuar një automjet të udhëtarëve dhe veturën zyrtare të Policisë derisa ishte në ikje.
Si pasojë e aksidentit kanë pësuar lëndime drejtuesi i automjetit zyrtar si dhe një pasagjere e automjetit të udhëtarëve.
Sipas Policisë ngjarja ka ndodhur pasi që i dyshuari kishte grabitur një veturë.
“Pas informatës një njësi policore i është vënë në ndjekje për ta ndalur të dyshuarin dhe i njëjti gjatë përpjekjeve për t’i ikur ndaljes së tij, ka goditur një automjet të udhëtarëve dhe më pas edhe automjetin zyrtar të Policisë së Kosovës” thuhet në raportin e Policisë.
Të lënduarit kanë marrë tretman mjekësor dhe më pas janë liruar.
Në lidhje me rastin është konfiskuar automjeti i grabitur, ndërsa i dyshuari është dërguar në mbajtje për rastin vjedhje grabitqare.