Vetaksident në fshatin Prekallë, lëndohen dy persona

Dy persona kanë pësuar lëndime pas një vet aksidenti që ka ndodhur para pak minutash në fshatin Prekallë të Komunës së Istogut.

Lajmin e ka konfirmuar për KALLXO.com, Komandanti i Stacionit të Policisë në Istog, Enver Gashi.

“Mund të ju informoj se para pak minutash ka ndodhur një vet aksident në magjistralen Pejë- Mitrovicë më saktësisht në fshatin Prekallë. Dy persona janë lënduar dhe sipas ekipit mjekësor të njëjtit janë trajtuar njëherë në Qendrën e Mjekësisë Familjare e më pas janë dërguar në Spitalin Rajonal dhe janë jashtë rrezikut për jetë”, tha Gashi për KALLXO.com.

Gashi gjithashtu ka njoftuar se policia është në vendin e ngjarjes.